وحياه حبى ليك

وحياه حبى ليك
متحاولش تخسرنى ده انا روحى فيك
متخسرش قلبى اللى ياما ضحى عشانك وخاف عليك
متخسرش حبى اللى خلى كل شئ حلو فى عنيك
وحياه حبى ليك
متضيعنيش من ايديك
متحاولش تيجى عليا ده انا عمرى ما جيت عليك
ولا تسود دنيتى ده انا اللى حليت كل حاجه فى عنيك
وحياه حبى ليك
خليك معايا ومتبعدنيش
ده انا ماليش غيرك وانت من غيرى مفيش
متنساش كل اللى عملته علشان حبنا يعيش
وحياه حبى ليك
فكر فى اللى بينا و كل اللى كان
فكر فى احلامنا وايام الحنان
ذكرياتنا وايامنا وحبنا الكبير
كل ده بتضيعه ليه .. اكيد عندك بديل
وحياه حبى ليك
حافظ عليا ومتبعدنيش
حس بيا ومتضيعنيش
اسأل قلبك بيعاند ليه
ورد عليا فهمنى فى ايه ؟
وحياه حبى ليك
لو عاوز تبعد خلاص مسامحاك
لو دى رغبتك مش هتمنى غير هناك
بس طيب جرح قلبى اللى هواك
ومتسبنيش غير وانا نسياك
زى ما حببتنى فيك متبعدش عنى غير وانا كرهاك